यावल कला वाणिज्य व विज्ञान महाविद्यालयात एड्स जनजागृती सप्ताह कार्यक्रम उत्साहात

यावल-पोलीस नायक (प्रतिनिधी) :-

दि.२० डिसेंबर २३ बुधवार

येथील कला वाणिज्य व विज्ञान महाविद्यालयात प्राणीशास्त्र विभागामार्फत विद्यार्थी व समाजामध्ये एड्स बाबतीत जनजागृती निर्माण व्हावी याकरिता प्रभारी प्राचार्या डॉ.संध्या सोनवणे यांच्या मार्गदर्शनाखाली एड्स जन जागृती सप्ताहानिमित्ताने आयोजित कार्यक्रम नुकताच उत्साहात संपन्न झाला.

दरवर्षी १ डिसेंबर हा जागतिक एड्स दिनाचे औचित्य साधुन सदर सप्ताह कार्यक्रमाचे आयोजन करण्यात आले.यावेळी कार्यक्रमाच्या अध्यक्षीय भाषणात महाविद्यालयाच्या प्र.प्राचार्या डॉ.संध्या सोनवणे यांनी विद्यार्थ्यांना एड्स बाबतीत माहिती देतांना एड्सची लागण व प्रसार कसा होतो याची सविस्तर माहिती सांगितली तसेच आपल्या भारतीय संस्कृतीचे दाखले देत विद्यार्थ्यांना नीती मूल्यांना धरून आचरण करण्याचा सल्लाही दिला.तर महाविद्यालयाचे उपप्राचार्य एस.डी.पाटील यांनी विद्यार्थ्यांना एड्सबाबतची शपथ दिली.प्रसंगी महाविद्यालयाच्या प्रांगणात विद्यार्थ्यांंच्या वतीने मानवी साखळी निर्माण करून एड्स बदलची जनजागृती करण्यात आली.यावेळी महाविद्यालयातील उपप्राचार्य ए.पी.पाटील,ए.एस.सोनवणे,ई.आर.सावकार,राजेंद्र थिगळे,उदय येवले,रमेश साठे हे उपस्थित होते.कार्यक्रमाचे सूत्रसंचालन राजू तडवी यांनी केले तर संपुर्ण कार्यक्रम यशस्वी करण्यासाठी अमृत पाटील,प्रमोद कदम यांनी परिश्रम घेतले.