“छगन भुजबळांना जीवे मारण्याची धमकी”;..अशा कितीही धमक्या आल्या व प्रत्यक्षात त्या धमक्या अंमलात जरी आल्या तरी मी माझी विचारसरणी सोडू शकत नाही-छगन भुजबळ यांचे प्रतिउत्तर

आयुष्यात मला अशी खूप धमकीची पत्र आली तसे प्रयत्नही झाले पण आपण हे सगळ पोलिसांवर सोडून द्यायचे.आता घरी तर बसू शकत नाही आपण घेतलेली भूमिकाही बदलू शकत नाही.जे काही परिणाम व्हायचे ते होतील.आपण पोलिसांना याची सगळी माहिती पुरवलेली आहे. पोलीस या सगळ्याचा शोध घेतील.महाराष्ट्रात अलिकडे जे प्रकार महाराष्ट्रात घडतायत ते पाहाता आमच्या लोकांनी ताबडतोब ते पोलिसांना कळवले आहे.मोबाईल नंबर,गाड्यांचे नंबर असे सगळे आहे त्यात.कुठे बैठक झाली,कुणाचा मोबाईल नंबर अशी बरीच माहिती पत्रात आहे असे भुजबळ म्हणाले.दरम्यान पूर्वी सुपाऱ्या घेऊन होत असलेले गँगवॉर आपण गृहमंत्री असताना आटोक्यात आले होते असा उल्लेख भुजबळांनी केला आहे त्यामुळे हा थेट देवेंद्र फडणवीसांना अप्रत्यक्ष टोला मानला जात आहे.“हे धक्कादायक आहे हे खरच आहे.पूर्वी सुपाऱ्या घेऊन गँगवॉर व्हायचे.मी गृहमंत्री असताना ते आटोक्यात आले होते पण आता ठीक आहे.जे आहे ते आहे.पोलीस त्यावर नक्कीच कारवाई करतील ही धमकी नेमकी कशासाठी दिली हे त्यांना पकडल्यानंतर लक्षात येईल अशा कितीही धमक्या आल्या व प्रत्यक्षात त्या धमक्या अंमलात जरी आल्या तरी मी माझी विचारसरणी सोडू शकत नाही असे भुजबळांनी स्पष्ट केले आहे.