याबाबत पोलीस ठाण्यातून मिळालेल्या माहितीनुसार कोसारी विकास सोसायटीचे माजी अध्यक्ष शंकर आप्पाणा तोरवे वय ५६ यांचा रविवारी दुपारी अडीच वाजता चाकूने भोकसून व लोखंडी रॉडने मारहाण करून खून करण्यात आला.या खूनप्रकरणी संदीप महादेव नरूटे व संतोष महादेव नरूटे या दोन भावांना अटक करण्यात आली आहे.मृत शंकर तोरवे याचा आणि संशयित आरोपींच्या नातलग महिलेचे अनैतिक संबंध असल्याचा राग होता व या रागातूनच हा खून करण्यात आल्याची प्राथमिक माहिती चौकशीतून समोर आली आहे.तशी तक्रार जत पोलीस ठाण्यात दाखल करण्यात आली आहे.

तर दुसऱ्या एका मुलीच्या प्रकरणात सतिश अर्जुन कुंभार वय २४ रा.कवठेएकंद ता.तासगाव याच्यावर जीवघेणा हल्ला करण्यात आला.सतीश कुंभार याला कवठेएकंद हायस्कूलजवळ असलेल्या पोल्ट्रीमध्ये बोलावून मुलीच्या प्रकरणात दम देत असतांना त्याच्यावर अभिजित गुजले उर्फ बाळशा आणि वैभव या दोघांनी चाकूने वार केले.या हल्ल्यात तो गंभीर जखमी झाला असून त्याला उपचारासाठी रुग्णालयात दाखल करण्यात आले आहे.दोन्ही संशयितांना पोलिसांनी अटक केली आहे.