“..मात्र आत्तापर्यंत जो निधी त्यांना मिळाला आहे तो आम्ही परत मागणार नाही” !! लाडकी बहीण योजनेबाबत देवेंद्र फडणवीस यांचे वक्तव्य !!

मुख्यमंत्री तीर्थ दर्शन थाळी आणि शिवभोजन थाळी या योजनाही बंद करण्याचे कारण नाही.अनेकदा बातम्या आल्यावर आम्हाला कळते की असा काही निर्णय आम्ही घेणार आहोत.परवाच गयेला ट्रेन्स गेल्या,अयोध्येला ट्रेन्स गेल्या.कुठलीही योजना आम्ही बंद करणार नाही.या योजनांच्या संदर्भात आम्ही आढावा घेणार आहोत.लाडकी बहीण योजनेत अनेक अपात्र बहिणींनी लाभ घेतला आहे.साधारणतः १० लाख ते १५ लाख एवढी ही संख्या जाऊ शकते त्यातल्या अनेक बहिणींनी लाडकी बहीण योजनेचा लाभ घेणे सोडणे सुरु केले आहे.आम्ही ज्या अपात्र बहिणी आहेत त्यांना आम्ही यापुढे योजनेचा लाभ देणार नाही कारण आम्ही यासाठी कॅगला उत्तरदायी आहोत कारण कॅगकडून विचारणा झाल्यानंतर आम्हाला त्याचे उत्तर द्यावे लागते अशा प्रकारे यापुढे घडू नये म्हणून अपात्र महिलांना लाडकी बहीण योजनेचा लाभ यापुढे मिळणार नाही मात्र आत्तापर्यंत जो निधी त्यांना मिळाला आहे तो आम्ही परत मागणार नाही.तो निधी त्यांच्याकडेच राहिल मात्र पात्र महिलांनाच पैसे गेले पाहिजेत यासाठी आम्ही आग्रही आहोत असेही मुख्यमंत्री देवेंद्र फडणवीस यांनी सांगितले.मंत्रालयात काही लोक पर्मनंट पीए आहेत.काही लोक चांगलेही आहेत.काही लोकांना पीएचे काम करतांना दलालीची सवय लागली त्यामुळे अशा दलालांना बाजूला केले पाहिजे म्हणून मी सांगितले की आम्ही सगळी पडताळणी करु आणि त्यानंतर त्या संदर्भातली मान्यता देऊ असे वक्तव्य देवेंद्र फडणवीस यांनी केले आहे तसेच मी अधिकाऱ्यांना १०० दिवसांचा कार्यक्रम दिला आहे.सरकारी कार्यालयांमध्ये पिण्याच्या पाण्याची आवश्यकता असली पाहिजे.तसेच अधिकारी कुठल्या वेळेस उपलब्ध असतील ? हे देखील समजले पाहिजे अशा सात गोष्टी मी अधिकाऱ्यांना सांगितले आहे असेही देवेंद्र फडणवीस यांनी यावेळी म्हटले आहे.मुख्यमंत्री देवेंद्र फडणवीस यांनी सकाळ वृत्त समूहाच्या कार्यक्रमात उपस्थिती दर्शवली होती यावेळी त्यांची मुलाखत पार पडली या मुलाखतीत त्यांनी हे भाष्य केले आहे.