“शेतकरी,मंजूरांच्या हिताचे निर्णय राज्यात झाले नाही तर मग आम्ही मुख्यमंत्र्यांचा गणपती करु”- बच्चू कडू यांची स्पष्टोक्ती

बच्चू कडू पुढे म्हणाले,आमच्या दिव्यांग आणि शेतमजूरांच्या आंदोलनामध्ये महाराष्ट्रातून लोक येणार आहेत.दि.९ ऑगस्ट रोजी छत्रपती संभाजीनगर येथे आमचे आंदोलन असून आमचा मोर्चा हा शेतकऱ्यांसाठी आहे.आता भारतीय जनता पार्टी हिंदुत्वाचा नारा देत आहे आम्ही शेतकरी आणि शेतमजूरांचा नारा देत आक्रोश मोर्चा काढत आहोत असेही त्यांनी म्हटले आहे.हिंगोलीमध्ये एका कार्यक्रमात बोलतांना बच्चू कडू म्हणाले होते की,“मुख्यमंत्र्यांचा आम्ही गणपती करू,उचलून थेट समुद्रात टाकू त्यासाठी तुमची साथ पाहिजे त्यासाठी तुमचा आशीर्वाद पाहिजे” असे म्हणत बच्चू कडू यांनी मुख्यमंत्री एकनाथ शिंदे यांना इशारा दिला होता.तसेच विधानसभेमध्ये प्रहारचे फक्त दोनच आमदार आहेत तरीही ते घाम फोडल्याशिवाय राहत नाहीत असेही बच्चू कडू यांनी म्हटले होते.आमदार बच्चू कडू हे महायुतीमध्ये आहेत मात्र तरीही त्यांनी लोकसभा निवडणुकीत वेगळी भूमिका घेत अमरावती लोकसभा निवडणुकीत उमेदवार उभा केला होता तसेच बच्चू कडू यांनी अनेकदा महायुती सरकारवर टीकाही केली होती.विधानसभा निवडणुकीबाबत बोलतानाही त्यांनी अनेकदा सूचक विधान केलेली आहेत त्यामुळे त्यांची विधानसभेला काय भूमिका असणार ? याकडे अनेकांचे लक्ष लागलेले आहे.