“शरद पवार तुम्ही कितीही जोर लावा, पण…” !! अमित शाह मविआवर बरसले

अमित शाह पुढे म्हणाले की,औरंगाबाद जिल्ह्याचे नाव छत्रपती संभाजीनगर व्हायला हवे की नको ? पण महाविकास आघाडीचे नेते याला विरोध करत आहेत.जे स्वतःला बाळासाहेब ठाकरेंचे वारसदार म्हणवून घेतात ते उद्धव ठाकरेही या नामकरणाला विरोध करत आहेत.मी शरद पवारांना आज आव्हान देतो तुम्ही कितीही जोर लावा पण संभाजीनगरचे नाव छत्रपती संभाजीनगरच राहणार तसेच जम्मू-काश्मीरमध्ये आम्ही कलम ३७० हटविले.संपूर्ण देशाने याला पाठिंबा दिला मात्र उद्धव ठाकरे आणि शरद पवार याला विरोध करत आहेत.मी आज शरद पवार यांना आव्हान देतो की तुमच्या चार पिढ्या आल्या तरी कलम ३७० पुन्हा आणू शकत नाहीत.अमित शाह पुढे म्हणाले,शरद पवार यांनी राम मंदिर निर्माणानंतर सांगितले की,मी नंतर जाईल पण ते अद्याप दर्शनाला गेले नाहीत.काँग्रेस नेते राहुल गांधी आणि उद्धव ठाकरेही गेले नाहीत ते का गेले नाहीत ? हा प्रश्न महाराष्ट्राच्या जनतेने विचारावा असे आवाहन केंद्रीय गृहमंत्री अमित शाह यांनी केले कारण त्यांना आपली मतपेटी सांभाळायची आहे म्हणून ते राम मंदिरात दर्शनासाठी गेले नाहीत पण आम्ही त्यांच्या मतपेटीला घाबरत नाहीत.शिराळामध्ये नागपंचमीनिमित्त खऱ्या नागांची पूजा केली जात असे पण सर्वोच्च न्यायालयाच्या निकालानंतर या परंपरेवर बंदी घालण्यात आली आहे.याबद्दल बोलताना अमित शाह म्हणाले,परंपरागत नाग पूजा करण्यास आमचा विरोध नाही. नाग पूजा पुन्हा सुरू करण्यात येणार आहे.याला कुणीही रोखू शकत नाही असेही अमित शाह यावेळी म्हणाले.