दिलीप जोशी यांनी काही दिवसांची सुट्टी मागितली होती.दिलीप जोशी आपल्या सुट्ट्यांबद्दल बोलण्याचा प्रयत्न करत होते तेव्हा असित मोदी यांनी संभाषण टाळण्याचा प्रयत्न केला आणि त्यामुळे दिलीप जोशी चिडले.असित मोदी हे दिलीप जोशी यांच्याकडे दुर्लक्ष करून कुश शाहला भेटायला गेले त्यामुळे दिलीप जोशी यांना अपमानास्पद वाटले.कुश शाहने नुकतीच मालिका सोडली आहे.भांडण इतके कडाक्याचे झाले की दिलीप जोशी यांनी असित मोदींची कॉलर देखील धरली होती अशी बातमी समोर आली होती.‘इंडियन एक्सप्रेस’शी बोलताना मंदार चांदवडकरने हे वृत्त फेटाळले आहे.मंदारने असे काहीच घडले नसल्याचे म्हटले आहे.“काय फालतूपणा आहे हा ? या अफवा कोणी पसरवल्या ? आम्ही सर्वजण अगदी शांततेत आणि आनंदाने शूटिंग करत आहोत” असे मंदार चांदवडकर यांनी म्हटले आहे.अमित भट्ट यांनीही अशी कोणतीच गोष्ट सेटवर घडल्याचे नाकारले असून या निव्वळ अफवा असल्याचे त्यांनी सांगितले आहे.दिलीप जोशी व असित मोदी यांचे भांडण झाले नसून सगळे आनंदाने मालिकेचे शूटिंग करत आहेत असे आत्माराम भिडे हे पात्र साकारणारे मंदार चांदवडकर यांनी प्रतिक्रिया देतांना म्हटले आहे.