राज्यात ‘स्मार्ट प्री-पेड मीटर’विरोधात आंदोलन पेटले असतांनाच राज्यातील ३२९ वीज उपकेंद्रांचे खासगीकरण !!
नागपूर-पोलीस नायक (वृत्तसेवा) :-
दि.२२ जानेवारी २५ बुधवार
राज्यात ‘स्मार्ट प्री-पेड मीटर’विरोधात आंदोलन पेटले असतांनाच आता महावितरणकडून राज्यातील ३२९ उपकेंद्रांचेही खासगीकरण केले जाणार आहे विशेष म्हणजे त्यासाठीची निविदाही काढण्यात आली आहे.या निर्णयाविरोधात कर्मचाऱ्यांमधून संताप व्यक्त होत असून महावितरण कंपनीसह ऊर्जा सचिवांना आंदोलनाचा इशारा देण्यात आला आहे.उपकेंद्र कंत्राटी पद्धतीने चालवायला देणे म्हणजे महावितरण कंपनी विकण्याचा घाट असल्याचा आरोप महाराष्ट्र राज्य विद्याुत कर्मचारी,अभियंते, अधिकारी संयुक्त कृती समितीने केला आहे.महावितरणमध्ये वर्ग १ ते ४ या प्रवर्गातील ३२ हजारांहून अधिक पदे रिक्त आहेत व ही पदे तातडीने भरण्याचे लेखी कार्यवृत्त कृती समितीस महावितरणकडून दिले गेले होते परंतु भरतीची प्रक्रिया संथ असून मंजूर पदांवर कंत्राटी पद्धतीने यंत्रचालकांची पदे भरणे म्हणजे खासगीकरणच असल्याचे समितीने म्हटले आहे.
