यावल-पोलीस नायक (प्रतिनिधी) :-
दि.१९ जुलै २५ शनिवार
जळगाव जिल्हा क्रीडा कार्यालय व यावल पंचायत समिती शिक्षण विभाग यांच्या संयुक्त विद्यमाने यावल तालुका शालेय क्रीडा स्पर्धा आयोजन व नियोजन बाबतीत काल शुक्रवार दि.१८ रोजी यावल पंचायत समिती गटशिक्षण अधिकारी विश्वनाथ धनके यांच्या मार्गदर्शनाखाली व क्रिडा शिक्षक महासंघाचे तालुका अध्यक्ष व मुख्याध्यापक के.यु.पाटील यांच्या अध्यक्षतेखाली बैठक संपन्न झाली.
या बैठकीत यावल तालुक्यातील दहिगाव जिल्हा परिषद शाळेचे केंद्र प्रमुख विजय ठाकुर व डॉ.प्रमोद मुरलीधर सोनार यांच्या उपस्थितीत यावल गटशिक्षण अधिकारी यांच्या कार्यालयात आयोजित करण्यात आलेल्या या बैठकीत के.यु.पाटील यांनी तालुकास्तरीय क्रिडा स्पर्धा कार्यक्रम निश्चित करणे व विविध शासकीय योजनाबाबत मार्गदर्शन व चर्चा केली.तसेच तालुकास्तरीय व जिल्हास्तरीय स्पर्धेमध्ये सहभागी होण्यासाठी क्रीडा शुल्क भरणे बाबत,ऑनलाईन प्रवेशिका भरणे बाबत माहिती क्रीडा संयोजक दिलीप संगेले यांनी दिली.या सभेत प्रत्येक शाळेतील क्रीडा शिक्षकांनी स्पर्धा तयारी करून संघ उपस्थित राहण्याचे आवाहन केंद्र प्रमुख विजय ठाकुर व डॉ.प्रमोद सोनार यांनी केले.तसेच यावल तालुका क्रीडा समिती व सर्व क्रीडा शिक्षक यांनी वाय,वाय पाटील समर्थ रघुनाथ बाबा विद्यालय चुचांळे यांचा आदर्श शिक्षक पुरस्कार मिळाल्याबद्दल सत्कार केला.यावेळी पर्यवेक्षक के.आर.सोनवणे,आर.आय तडवी,आर पी चिमणकारे,शे सलीम सर,शे कुरेशी शरीफ,शेख वसीम खान,अबु सुफियान,शे अख्तर शे युसुफ,पी.पी.महाजन,जे.ए.फिरके,योगेश कोळी,एन.सी. पाटील,ए.डी.पाटील,शे,जुबेर सर,सौ.डी.डी.ठाकरे, श्रीमती आर.एम. पाटील इ.सह सर्व शाळेतील क्रीडा शिक्षक उपस्थित होते.
