यावल नगरपरिषदेच्या नुतन पाणी पुरवठा अधिकारी जयश्री पाटील यांचे शिवसेना शिंदे गटाच्या वतीने स्वागत !!

यावल-पोलीस नायक (प्रतिनिधी) :-

दि.०५ सप्टेंबर २५ शुक्रवार

येथील नगरपरिषद पाणीपुरवठा विभागाच्या निरिक्षक पदावर जयश्री पाटील यांची नुकतीच नेमणुक करण्यात आली असुन शिवसेना शिंदे गटाचे जिल्हा उपसंघटक नितिन सोनार यांनी जयश्री पाटील यांची भेट घेवुन स्वागत करीत शहरातील नागरीकांना भेडसावणाऱ्या पाणीपुरवठा संदर्भातील विषयावर सविस्तर चर्चा व्दारे माहिती दिली.

दरम्यान यावल नगरपरिषदमध्ये कार्यरत असलेले व विविध वादग्रस्त विषयांमुळे चर्चेत राहीलेले तत्कालीन पाणी पुरवठा अधिकारी सत्यम पाटील यांची यावल नगर परिषद मधुन बदली झाल्याने त्यांच्या रिक्त झालेल्या पदावर साक्री जिल्हा धुळे या ठीकाणाहुन बदलुन आलेल्या जयश्री पाटील यांच्याकडे पाणीपुरवठा व प्रभारी आरोग्य विभागाची सुत्रे सोपविण्यात आली.यावेळी शिवसेना शिंदे गटाचे जिल्हा उपसंघटक नितिन सोनार यांनी नुतन पाणी पुरवठा अधिकारी पाटील यांची भेट घेत पक्षाच्या वतीने त्यांचे स्वागत केले व यावल शहरातील गेल्या काही दिवसा पासून नागरीकांना भेडसावणाऱ्या अनियमित पाणीपुरवठा व जलवाहिनी दुरूस्तीच्या नावाखाली होणारे आर्थिक गोंधळ व शहरातील स्वच्छतेच्या संदर्भात विविध विषयांवर सविस्तर चर्चा केली.यावेळी आपण सुचना केलेल्या नागरी व जनहिताच्या विषयांवर माझे आपणास संपुर्ण सहकार्य मिळेल असे आश्वासन नव्याने यावल नगर परिषदच्या रुजु झालेल्या पाणीपुरवठा विभागाच्या निरिक्षक जयश्री पाटील यांनी दिले.