भाजपवर टीका करणाऱ्या व्यक्तींना शिंदे गटात प्रवेश देताच कामा नये-भाजपची आक्रमक भूमिका

मुंबई-पोलीस नायक(वृत्तसेवा):- 

एकनाथ शिंदे यांच्या बंडानंतर ठाकरे गटाची बाजू आक्रमकपणे मांडणाऱ्या नेत्या दीपाली सय्यद यांनी अलीकडे यू-टर्न घेत शिंदे गटात जाण्याचा निर्णय जाहीर केला होता त्यानुसार दीपाली सय्यद या ठाण्यातील कार्यक्रमात शिंदे गटात प्रवेश करणार आहेत मात्र दीपाली सय्यद यांना शिंदे गटात घेण्यास भाजपच्या काही नेत्यांनी कडाडून विरोध केला आहे.राज्यात महाविकास आघाडीचे सरकार असताना दीपाली सय्यद यांनी पंतप्रधान नरेंद्र मोदी यांच्यावर अत्यंत वाईट शब्दांत टीका केली होती त्यामुळे आधी दीपाली सय्यद यांनी पंतप्रधान मोदी आणि भाजपची माफी मागावी त्यानंतरच दीपाली सय्यद यांना शिंदे गटात प्रवेश दिला जावा अशी मागणी भाजप महिला आघाडीच्या नेत्या मृणाल पेंडसे यांनी केली आहे.मोदी आणि भाजपवर टीका करणाऱ्या व्यक्तींना शिंदे गटात खरंतर प्रवेश देताच कामा नये.आम्ही महिला आघाडीच्यावतीने दीपाली सय्यद यांच्या पक्षप्रवेशाचा जाहीर विरोध करत आहोत.मुख्यमंत्री एकनाथ शिंदे हे महिलांचा आदर करतात पण कोणतीही विचारधारा नसलेल्या आपली मतं सातत्याने बदलणाऱ्या तसेच कुठलीही पात्रता नसलेली दीपाली सय्यद शिंदे गटात प्रवेश करणार असल्याचे समजले.मविआ सरकारच्या काळात दीपाली सय्यद यांनी पंतप्रधान मोदी आणि देवेंद्र फडणवीस यांच्याबाबत आक्षेपार्ह वक्तव्य केली होती.आमच्या दोन्ही नेत्यांवर खालच्या भाषेत टीका करणाऱ्या दीपाली सय्यद यांना आमचा विरोध आहे असे मृणाल पेंडसे यांनी म्हटले आहे त्यामुळे आता दीपाली सय्यद नेमकी काय भूमिका घेणार? हे पाहावे लागेल.

मोदींनी मसणात जा अमित शाहांनी मसणात जा,महागाई आटोक्यात आणता येत नसेल ना तर हिमालयात जाऊन संन्यास घ्या,असे वक्तव्य दीपाली सय्यद यांनी केले होते. राणा दाम्पत्याच्या आंदोलनावेळी शिवसैनिकांनी भाजप नेते किरीट सोमय्या यांच्या गाडीवर हल्ला चढवला होता.यावेळी शिवसैनिकांनी सोमय्या यांच्या गाडीवर दगडफेक केली होती तेव्हादेखील दीपाली सय्यद यांनी नरेंद्र मोदी आणि अमित शाह यांना मध्ये खेचले होते.ती गाडी मोदींची जरी असती तरी गाडीवर चप्पल आणि दगड पडलेच असते कारण शिवसैनिकांना बाळासाहेबांची शिकवण आहे अशा शब्दांत दीपाली सय्यद यांनी भाजपवर प्रहार केला होता.दीपाली सय्यद यांनी गेल्या आठवड्यात शिंदे गटात जाणार असल्याची घोषणा केली होती यावेळी दिपाली सय्यद यांनी संजय राऊत आणि रश्मी ठाकरे यांच्यावर थेट हल्ला करत आगामी वाटचालीचे संकेत दिले मी एवढंच सांगेन की,संजय राऊत यांना त्यांच्या पापांची शिक्षा मिळाली.पक्ष तोंडाने कसा फोडला जाऊ शकतो याच उत्तम उदाहरण म्हणजे संजय राऊत आहेत त्यांच्यामुळे शिवसेनेते दोन गट पडले.शिंदे साहेबांनी मला शिवसेनेत आणले होते त्यामुळे सद्यपरिस्थितीत शिंदे साहेबांसोबत उभे राहणे हे माझे कर्तव्य असल्याचे दीपाली सय्यद यांनी म्हटले होते.