डोंगर कठोरा येथे ३० मार्च पासून सुंदरकांड सप्ताह ज्ञानयज्ञ सप्ताहाचे आयोजन

यावल-पोलीस नायक(प्रतिनिधी):-

तालुक्यातील सातपुडा पर्वताच्या कुशीत वसलेल्या डोंगर कठोरा येथे ग्राम दैवत श्री.महादेव मारोती मंदिरामध्ये विराजमान श्री.कष्टभंजन देव हनुमान महाराजच्या कृपेने तसेच प.पू.ध.धू.१००८ आचार्यश्री राकेशप्रसादजी महाराज व स.गु.को.स्वा.प्रेमप्रकाशदासजी (प्रभूस्वामी) मालोद यांच्या आशिर्वादाने श्री.पंचवटी नवतरुण मित्र मंडळ व समस्त ग्रामस्थांच्या वतीने दि.३० मार्च ते ०६ एप्रिल २३ या कालावधीत श्री.संगीतमय सुंदरकांड(हनुमान कथा) सप्ताह ज्ञानयज्ञाचे आयोजन करण्यात आलेले आहे.सदरील कथेचे वक्ता स.गु.शा.स्वा.सरजूदासजी व्यासासनारुद होऊन संगीतमय सुरवलीसह सुंदरकांड कथेचे रसपान करणार आहे.दि.६ एप्रिल रोजी हनुमान पूजन तसेच महाप्रसाद व दिंडी सोहळ्याचे आयोजन करण्यात येणार आहे.सदरील श्री.सुंदरकांड सप्ताह ज्ञानयज्ञ हे डोंगर कठोरा सह परिसरात प्रथमच होत आहे हे विशेष !

या सप्ताह सोहळ्या दरम्यान दि.३० मार्च रोजी दु.५:३० वाजता चंद्रकांत जगन्नाथ भिरूड यांच्या घरून पोथीयात्रा,रात्री १०:१० वाजता श्री.स्वामीनारायण जन्म सोहळा,दि.३१ मार्च रोजी श्री.राम हनुमान मिलन,दि.२ एप्रिल रोजी श्री.हनुमान जन्मोत्सव,दि.६ एप्रिल रोजी सकाळी ८ ते १२ महाप्रसाद,संध्याकाळी ५ वाजता दिंडी सोहळा तसेच सप्ताह कथा वाचन रोज रात्री ७ ते १०:३० अशी राहणार आहे.तर कथेचे यजमान कै.वा.जगन्नाथ भगवान भिरूड,कै.वा.सौ.सुमनबाई जगन्नाथ भिरूड यांच्या मोक्षार्थ श्री,चंद्रकांत जगन्नाथ भिरूड तसेच महाप्रसाद यजमान चि.पवन नितीन भिरूड यांच्या जन्मानिमीत्ताने शेतकरी गुळ उद्योग डोंगर कठोरा संचालक नितीन भागवत भिरूड व युवराज भागवत भिरूड हे राहणार आहेत दि.६ एप्रिल रोजी शेतकरी गुळ उद्योग डोंगर कठोरा संचालक नितीन भागवत भिरूड व युवराज भागवत भिरूड यांच्या वतीने महाप्रसाद(गाव वेस पंगत) कार्यक्रमाचे आयोजन करण्यात आलेले आहे.सदरील सप्ताह कार्यक्रमाला प.पु.महामंडलेश्वर श्री.जनार्दन हरिजी महाराज फैजपूर,प.पु.स.गु.शास्त्री धर्मस्वरूपदासजी भुसावळ,प.पु.स.गु.शास्त्री स्वरूपानंदजी डोंगर कठोरा,प.पु.स.गु.शास्त्री भक्तीकिशोरदासजी सावदा गुरुकुल,प.पु.स.गु.शास्त्री जगत्पावन स्वामी सुना सावखेडा,प.पु.स.गु.नयनस्वामी जळगाव,प.पु.स.गु.शास्त्री मधुसूदन महाराज महेलखेडी,प.पु.स.गु.शास्त्री राजेंद्रप्रसादजी यावल,प.पु.स.गु.शास्त्री विश्वप्रकाशदासजी हिंगोणा,प.पु.स.गु.कोठारी पी.पी.स्वामी बऱ्हाणपूर,प.पु.स.गु.शास्त्री ऋषीप्रसाददासजी भुसावळ गुरुकुल,भारूड सम्राट विठ्ठल महाराज वाघाडी यांची प्रमुख उपस्थिती राहणार आहे.

तसेच या सप्ताह सोहळ्यास पंचवटी महादेव मारोती मंदिर,नवतरुण दुर्गात्सव मंडळ,श्री.स्वामीनारायण मंदिर,शीतलामाता दुर्गात्सव मंडळ,पंचवटी विठ्ठल मंदिर,बालगोपाल दुर्गात्सव मंडळ,गढीवरील विठ्ठल मंदिर,संमिश्र मित्र मंडळ,रामभरोसे गणेश मंडळ,आराधना दुर्गात्सव मंडळ व समस्त डोंगर कठोरा ग्रामस्थ यांचे सहकार्य लाभणार आहे.तरी पंचक्रोशीतील भाविक भक्तांनी या श्री.सुंदरकांड सप्ताह ज्ञानयज्ञाचा लाभ घ्यावा असे आवाहन श्री.पंचवटी नवतरुण मित्रमंडळ व समस्त ग्रामस्थ डोंगर कठोरा यांनी केले आहे.