मंत्रिमंडळ विस्तारावरून आमदारांमध्ये नाराजीचा सूर असल्याची बच्चू कडू यांची स्पष्टोक्ती

मुंबई-पोलीस नायक (वृत्तसेवा):-

शिंदे-फडणवीस सरकारच्या दुसऱ्या टप्प्यातील मंत्रिमंडळ विस्ताराकडे सर्वांच्या नजरा लागल्या असून दुसऱ्या टप्प्यातील मंत्रिमंडळ विस्तार हा अर्थसंकल्पीय अधिवेशनाच्यापूर्वी होण्याची शक्यता होती परंतु अद्यापी मंत्रिमंडळ विस्तार झालेला नसल्यामुळे सरकारमधील आमदारांमध्ये नाराजीचा सूर असल्याची चर्चा असल्याची स्पष्टोक्ती प्रहार संघटनेचे अध्यक्ष व माजी मंत्री बच्चू कडू यांनी केली आहे.‘टीव्ही ९ मराठी’या वृत्तवाहिनीशी संवाद साधतांना बच्चू कडू म्हणाले की सदरील सरकारचा कार्यकाळ सात ते आठ महिने उरला आहे त्यामुळे आता मंत्रिमंडळाचा विस्तार करून नाराजी ओढावून घेण्याची मानसिकता सरकारची  दिसून येत नाहीय.त्यामुळे मंत्रिमंडळाचा विस्तार करण्यापेक्षा ‘जैसे थे’ स्थितीत सरकार चालवनेच योग्य ठरेल असेही त्यांनी यावेळी नमूद केले आहे.