मोहराळा येथे बुद्ध पौर्णिमा दिनानिमित्ताने डॉ बाबासाहेब आंबेडकर पुतळ्याचे नुतनीकरण

यावल-पोलीस नायक (प्रतिनिधी) :-

बुद्ध पौर्णिमेच्या पावन दिनाचे औचित्य साधून निळे निशाण सामाजिक संघटना युवासेनेच्यावतीने समता संदेश मोटरसायकल रॅली मोठया उत्साहाच्या वातावरणात संपन्न झाली.

तालुक्यातील मोहराळा येथे काल दि.५ मे २३ शुक्रवार रोजी बुद्ध पौर्णिमेच्या निमित्ताने निळे निशाण सामाजिक संघटनेचे संस्थापक अध्यक्ष आनंद बाविस्कर यांच्या मार्गदर्शनाखाली सावदा रेल्वे स्टेशन येथिल महामानव विश्वरत्न डॉ.बाबासाहेब आंबेडकर यांच्या पुतळ्यापासून ते मोहराळा येथील विश्वरत्न डॉ.बाबासाहेब आंबेडकर यांच्या पुतळ्यापर्यंत निळे निशाण सामाजिक संघटना युवासेनेच्या वतीने समता संदेश मोटर सायकल रॅली काढण्यात आली.सदरील समता संदेश रॅली सावदा स्टेशनपासुन सावदा,फैजपुर,हंबर्डी,हिंगोणा,सांगवी,चितोडा,यावल, विरावली,कोरपावली मार्गे मोहराळापर्यंत सुमारे ३५ किलोमिटर लांबीचा प्रवास करून मोहराळा येथे रॅलीचा समारोप करण्यात आला.या ठीकाणी विश्वरत्न डॉ.बाबासाहेब आंबेडकर यांच्या पुर्णकृतीच्या पुतळाच्या नुतनीकरणाचा शुभारंभ निळे निशाण सामाजिक संघटनेचे संस्थापक अध्यक्ष आनंद बाविस्कर यांच्या हस्ते करण्यात आला.रॅलीचे आयोजन निळे निशाण सामाजिक संघटना युवासेनेचे सागर बाविस्कर यांनी केले तर समता संदेश मोटर सायकल रॅलीचे नेतृत्व संघटनेचे जळगाव जिल्हा उपप्रमुख अशोक तायडे,फैजपुर विभाग उपप्रमुख विलास भास्कर,रावेर तालुका युवक अध्यक्ष विजय धनगर,यावल तालुका अध्यक्ष विलास तायडे,यावल तालुका युवक अध्यक्ष सतीश अडकमोल, इकबाल तडवी यांनी केले.समता संदेश मोटर सायकल रॅली यशस्वीतेकरिता वासुदेव महाजन,अनिल धनगर,चंद्रकांत कोळी,राहुल तायडे, सुमित बाविस्कर,योगेश साळवे,प्रमोद तायडे,रोशन मेढे,अनिकेत मोरे यांनी परिश्रम घेतले.याप्रसंगी समाज बांधव व परिसरातील ग्रामस्थ मोठ्या संख्येने उपस्थित होते.