साताऱ्यात उदयनराजे व शिवेंद्रराजे भोसले यांचे कार्यकर्ते जमिनीच्या तुकड्यावरून दोघे आमने-सामने

साताऱ्यात खासदार उदयनराजे भोसले आणि आमदार शिवेंद्रराजे भोसले यांच्यातील वाद जगजाहीर असून दोघांकडून सातत्याने एकमेकांना लक्ष्य केले जाते अनेकदा हे वाद गंभीर रुप धारण करतात.बुधवारी सकाळीच या दोघांमधल्या वादाचे एक रुप साताऱ्याच्या खिंदवाडी गावात पाहायला मिळाले आहे.यात एका जमिनीच्या तुकड्यावरून हे दोघे आमने-सामने आले त्यानंतर दोघांच्या कार्यकर्त्यांमध्ये मोठा वाद झाला. अखेर पोलिसांना मध्यस्थी करून हा वाद मिटवावा लागला पण नेमका वाद काय होता? याबाबत दोघांनीही माध्यमांशी बोलताना भूमिका स्पष्ट केली आहे.साताऱ्यातल्या खिंदवाडी भागात आज सकाळी उदयनराजे आणि शिवेंद्रराजेंचे समर्थक कंटेनरच्या माध्यमातून एकमेकांना भिडले आहेत.कृषी उत्पन्न बाजार समितीच्या उपबाजाराच्या उभारणीची तयारी आज शिवेंद्रराजेंकडून करण्यात आली त्यासाठी रीतसर भूमीपूजन कार्यक्रमाचे आयोजन करण्यात आले त्यासाठी या जागेवर एक कंटेनर तात्पुरते कार्यालय म्हणून उभा करण्यात आला पण काही वेळातच सकाळी ९ च्या सुमारास उदयनराजेंचे कार्यकर्ते त्या ठिकाणी पोहोचले आणि त्यांनी कंटेनर जेसीबीच्या मदतीने उलटा केला.यानंतर या दोघांचे कार्यकर्ते एकमेकांना भिडले दोन्ही बाजूंनी आक्रमकपणे भूमिका मांडण्यात आली शेवटी पोलिसांनी मध्यस्थी करून जमावाला पांगवले.