“वादग्रस्त विधानानंतर तीन मंत्र्यांवर माघारीची नामुष्की”-आपल्या विधानाचा विपर्यास करण्यात आल्याचा तीनही मंत्र्यांचा दावा

तसेच राजकीय उंची गाठूनही शरद पवार यांना स्वबळावर मुख्यमंत्रीपद मिळू शकले नाही असे वक्तव्य सहकारमंत्री दिलीप वळसे-पाटील यांनी केले.वळसे-पाटील यांनी शरद पवार यांचे सचिव म्हणून त्यांच्या कारकीर्दीस सुरुवात केली पण पवारांच्या कारकीर्दीबद्दल वळसे-पाटील यांनी केलेल्या विधानामुळे  शरद पवार गटाने आक्रमक भूमिका घेतली.या वादावर पडदा टाकतांना वळसे-पाटील यांनी कोणाच्या भावना दुखावल्या असल्यास दिलगिरी व्यक्त करतो अशी भूमिका घेतली.तर मासे खाल्ल्याने ऐश्वर्या राय हिचे डोळे सुंदर आहेत किंवा अन्य मुलींबद्दल केलेल्या वादग्रस्त विधानांमुळे आदिवासी विकासमंत्री डॉ.विजयकुमार गावित हे  अडचणीत आले होते.याबाबत महिला संघटनांनी केलेल्या टीकेनंतर डॉ.गावित यांनी माघार घेत आपल्या विधानाचा विपर्यास करण्यात आल्याचा दावा केला आहे.दरम्यान अभिनेत्री ऐश्वर्या रायसह तरुण मुलींबद्दल केलेल्या वादग्रस्त वक्तव्यावरून महिला आयोगाने मंत्री डॉ.गावित यांना कारणे दाखवा नोटीस बजाविली आहे व त्यांच्याकडून खुलासा मागविण्यात आला आहे.