यावल नगर परिषदच्या स्वच्छता मोहीमेत विविध सामाजिक संस्था व समाजसेवकांचा उत्स्फुर्त प्रतिसाद

यावल-पोलीस नायक (प्रतिनिधी) :-

दि.२ आक्टोबर २३ सोमवार

येथील डॉ.नानासाहेब धर्माधिकारी प्रतिष्ठान व शासकीय आयटीआय यावल यांच्या सौजन्याने तसेच “येथे मी यावलकर” या शीर्षकाखाली शहरातील विविध ठिकाणी काल दि.१ आक्टोबर रविवार रोजी यशस्वीरित्या स्वच्छता मोहीम राबविण्यात आली.सदरील यावल नगर परिषदच्या स्वच्छता मोहीमेत विविध सामाजिक संस्था व समाजसेवकांचा उत्स्फुर्त प्रतिसाद मिळाला हे विशेष !.

येथील यावल नगर परिषदच्या वतीने करण्यात आलेल्या आवाहनास प्रतिसाद देत शहरातील बहुसंख्य तरुण मंडळी एकत्र येऊन काल दि.१ ऑक्टोबर रविवार रोजी येथील स्मशानभूमीमध्ये श्रमदानातुन स्वच्छता मोहीम राबविण्यात आली.यात प्रामुख्याने मी यावलकर मंडळ व यावल नगरपालिका यांच्या संयुक्तरित्या हा कार्यक्रम यावल स्मशानभूमीमध्ये घेण्यात आला.दरम्यान मी यावलकर या मंडळाच्या वतीने समाजसेवक पराग सराफ यांनी स्वच्छता मोहीमेच्या कार्यक्रमात नागरीकांनी शहरातील श्रमदानसाठी सहभाग नोंदविण्याकरिता आव्हान केले होते.या आवाहनास प्रतिसाद देत येथील स्मशानभूमी परिसरात श्रमदानातून स्वच्छता अभियान राबविण्यात आले.सदरील श्रमदान अभियानात शहरातील प्रामुख्याने नवनाथ भक्त परिवार,प्रकाश गणेश मंडळ,विठ्ठलवाडी मित्र परिवार,रेणुकादेवी परिसरातील तरुण,शिवतीर्थ मित्रपरिवार, शहरातील डॉक्टर,मेडिकल असोसिएशन सह एक दिवस महाराजांसाठी संस्थेतील सभासद,वाणी गल्लीतील तरुण,धोबी वाडा मधील तरुण मंडळी,पंचवटी मित्र मंडळ तसेच यावल नगरपरिषदचे कर्मचारी यांनी मिळून साधारणता अडीच ते तीन तास श्रमदानाचे कार्य स्मशानभूमीच्या परिसरात केले.याप्रसंगी नगरपरिषदच्या वतीने अभियंता सत्यम पाटील,दादू धोत्रे यांच्या मार्गदर्शनाखाली नगरपालिका कर्मचाऱ्यांनी देखील श्रमदानात अग्रभागी राहुन आपला सहभाग नोंदविला.याशिवाय शहरातील नागरीकांनी देखील श्रमदानाच्या कार्यक्रमास यशस्वी करण्यासाठी परिश्नम घेतले.या शिवाय शहरातील आठवडे बाजार परिसरात डॉ.नानासाहेब धर्माधिकारी प्रतिष्ठान व शासकीय आयटीआय तसेच नगर परिषदंच्या सौजन्याने देखील मोठया प्रमाणात स्वच्छता मोहीम राबविण्यात आली.या प्रतिष्ठानचे सदस्य व यावल आयटीआयच्या विद्यार्थीनी व विद्यार्थी या आपला सहभाग नोंदविला .