“मुख्यमंत्र्याच्या मुलाच्या वाढदिवसाला गुंडांची रांग लागते”-संजय राऊत यांचे टीकास्त्र

दरम्यान संजय राऊत यांनी काही वेळापूर्वी पत्रकार परिषद घेऊन हा मुद्दा उपस्थित केला.यावेळी राऊत म्हणाले मी दररोज या सरकारच्या गुंडगिरीसंदर्भातली माहिती देत राहणार आहे.मी एक्सवरील त्या पोस्टमध्ये पंतप्रधान नरेंद्र मोदी आणि केंद्रीय गृहमंत्री अमित शाह यांना टॅग करून त्यांना देखील या गुंडगिरीची माहिती दिली आहे.राज्याचे मुख्यमंत्री गुंडांच्या टोळ्यांना भेटत आहेत.गुंडांच्या टोळ्या मुख्यमंत्र्यांच्या वर्षा बंगल्यावर,शासकीय निवासस्थानी आणि थेट मंत्रालयात जाऊन मुख्यमंत्र्यांना भेटत आहेत.खून,दरोडे,बलात्काराच्या प्रकरणांमधील जामीनावर सुटलेले किंवा बाहेर काढलेल्या गुंडांच्या टोळ्या राज्याच्या मुख्यमंत्र्यांना भेटून नक्की काय चर्चा करतायत? मुख्यमंत्री राज्यात कायदा आणि सुव्यवस्था राखण्यासाठी या गुंडांच्या टोळ्यांचा वापर करणार आहेत? की आगामी निवडणुकीत विरोधकांचे मुडदे पाडण्यासाठी त्यांचा वापर केला जाणार आहे? या गुंडांचा वापर करून मुख्यमंत्री लोकशाहीचा मुडदा पाडणार आहेत का? असे गंभीर प्रश्न निर्माण झाले आहेत.संजय राऊत म्हणाले,उपमुख्यमंत्री अजित पवार यांचे चिरंजीव एका गुंडाला भेटतात,मुख्यमंत्र्याच्या मुलाच्या वाढदिवसाला गुंडांची रांग लागते. कल्याणमध्ये आमदार गोळीबार करतात हे सगळे काय चाललय.राज्यातल्या गुंडगिरीबाबत मी काल एक पोस्ट शेअर केली होती आज एक केली आहे उद्याही एक करेन.मी दररोज यासंदर्भातली माहिती शेअर करेन.मुख्यमंत्री,त्यांचा मुलगा,अजित पवारांचा मुलगा गुंडांना भेटून कसली चर्चा करत आहेत? असेही संजय राऊत यांनी म्हटले आहे.