“मला कुठे जायला आवडेल ही निवड मी द्यायला आता उशीर झालेला आहे”-पंकजा मुंडेंचे मोठे विधान;तर्क-वितर्कांना उधाण !

बीड-पोलीस नायक (वृत्तसेवा) :-

दि.१२ फेब्रुवारी २४ सोमवार

भाजपा नेत्या पंकजा मुंडे यांच्या उमेदवारीवरून गेल्या काही वर्षांत मोठी चर्चा पाहायला मिळाली.२०१९ च्या विधानसभा निवडणुकीत त्यांना न देण्यात आलेल्या उमेदवारीवरून तेव्हा चर्चा झाली त्यावेळी भाजपात असणारे एकनाथ खडसे,पंकजा मुंडे व विनोद तावडे त्यावरून नाराज असल्याच्याही बऱ्याच चर्चा रंगल्या होत्या तेव्हापासून पंकजा मुंडेंना भाजपाने बाजूला सारले असून त्यामुळे पंकजा मुंडे नाराज असल्याचे दावे केले जात होते.आता पुन्हा एकदा त्यांच्या राज्यसभा उमेदवारीची चर्चा सुरू झाली असून त्यावर पंकजा मुंडे यांनी स्वत: मोठे विधान केले आहे. त्या बीडमध्ये एका जाहीर कार्यक्रमानंतर माध्यमांशी बोलत होत्या.पंकजा मुंडे सध्या भाजपाच्या राष्ट्रीय मंत्री असून त्यांना फेब्रुवारीच्या शेवटच्या आठवड्यात होणाऱ्या राज्यसभा निवडणुकीत भाजपाकडून उमेदवारी मिळण्याची शक्यता वर्तवली जात आहे.यासंदर्भात जेव्हा माध्यम प्रतिनिधींनी देवेंद्र फडणवीसांना विचारणा केली तेव्हा त्यांनी यासंदर्भात चर्चा झाली नसल्याचे स्पष्ट केले.पंकजा मुंडे आणि माझी संघटनेच्या विषयानिमित्त नेहमीच भेट होत असते पण आमच्या भेटीत राज्यसभेच्याबाबत कोणतीही चर्चा झालेली नाही.राज्यसभेत कोण जाणार? याचा निर्णय आमचे वरिष्ठ घेत असतात.पंकजा मुंडे या राष्ट्रीय मंत्री आहेत त्यामुळे त्यांना राज्यसभेत पाठवायचे की आणखी कोणते पद द्यायचे हे केंद्रीय नेतृत्व ठरवेल असे ते म्हणाले.