“माझ्या मुलीचा मृतदेह पहिल्यांदा पाहिला तेव्हा… !!” कोलकाता पीडितेच्या आईने सांगितले धक्कादायक वास्तव

आम्हाला वाटत नाही की हे फक्त बलात्कार आणि हत्येचे प्रकरण असून तिला जाणीवपूर्वक टार्गेट करण्यात आले.ती सेमिनार हॉलमध्ये एकटी काय करत होती हा प्रश्न आहेच.तिच्या दुसऱ्याही एका सहकाऱ्याने हेच म्हटले आहे की हे प्रकरण वरवर दिसते तेवढे साधे आणि सरळ नाही. संजय रॉयला म्हणजेच जो आरोपी आहे त्याला हे कसे कळले की सेमिनार हॉलमध्ये पीडिता एकटी आहे ? रॉय हा फक्त बळीचा बकरा असून यामागे इतर बडे मासे आहेत असाही संशय या डॉक्टरने व्यक्त केला आहे.एवढेच नाही तर या प्रकरणात कोण आहे ते शोधले पाहिजे असे या पीडितेचे सहकारी म्हणाले.अशात आता या पीडितेच्या आईने जेव्हा पहिल्यांदा तिला मृतावस्थेत पाहिले तेव्हा काय घडले ते सांगितले आहे.

“मला जेव्हा माझ्या मुलीच्या मृत्यूबाबत समजले तेव्हा मी तातडीने रुग्णालयात गेले.माझ्याबरोबर माझे पतीही होते.आम्हा दोघांनाही सुरुवातीला आमच्या मुलीचा मृतदेह पाहू दिला नाही.३ वाजता तिचा मृतदेह जेव्हा आम्हाला पाहू दिला तेव्हा तिच्या मृतदेहावर पँट नव्हती तसेच तिच्या मृतदेहावर फक्त एकच कपडा होता.तिचा हात तुटला होता,तिच्या डोळ्यांमधून आणि तोंडातून रक्त वाहिल्याचे दिसत होते.मी त्यांना सांगितले माझ्या मुलीने आत्महत्या केलेली नाही तिची हत्या झाली आहे.मुख्यमंत्री ममता बॅनर्जी आंदोलन रोखण्याचा प्रयत्न करत असून त्यांनी कलम १४४ लागू केले आहे.” असे म्हणत पहिल्यांदा मुलीचा मृतदेह पाहिला तेव्हा काय घडले ते पीडितेच्या आईने सांगितले आहे.पांचजन्यने ही पोस्ट केली आहे.पीडित मुलीचा मृत्यू झाल्याचे जेव्हा तिच्या आई वडिलांना सांगण्यात आले तेव्हा तिच्या आई वडिलांनी तिच्यावर कामाचा प्रचंड दबाव होता असे पोलिसांना सांगितले असून या प्रकरणाचा सीबीआय तपास सुरु आहे.पोलीस तपासावरुन हे समोर येते आहे की पहाटे ३ ते ५ या कालावधीत तिच्यावर बलात्कार करण्यात आला तसेच तिची हत्या करण्यात आली.