पिलीव येथे विवस्त्र करून व चटके देऊन तरुणाचा निर्घृण खून !!

याबाबत मृत आकाशची आई अनिता अंकुश खुर्द यांनी माळशिरस पोलीस ठाण्यात दिलेल्या फिर्यादीनुसार पोलिसांनी अज्ञात हल्लेखोरांविरुद्ध गुन्हा दाखल केला आहे. आकाश खुर्द हा रात्री घरातून बाहेर पडला होता व नंतर तो घरी परतला नाही.मात्र पिलीव ते चांदापुरी रस्त्यावर वनखात्याच्या जमिनीजवळ रस्त्यालगत त्याचा मृतदेह विवस्त्र अवस्थेत आढळून आला असून त्यांच्या पाठीवर व अन्य ठिकाणी लोखंडी सळईने चटके देण्यात आले होते.त्याच्या पाठीवर,मांडीवर,दोन्ही हातापायांवर,मांडीवर, पोटावर बेदम मारहाण केल्याच्या खुणा आढळल्या.सदरहू हा निर्घृण खून कोणी आणि कशासाठी केला याचा उलगडा लगेचच झाला नाही.दरम्यान पोलिसांनी तपासाची चक्रे फिरवून एका तरुणीसह एका अल्पवयीन मुलाला ताब्यात घेतले आहे व त्यांची कसून चौकशी केली जात आहे.