अखेर निंबादेवी धरणात बुडून मरण पावलेल्या जळगावच्या तरुणाचा मृतदेह शोधण्यास पोलिसांना आले यश !!

यावल-पोलीस नायक (प्रतिनिधी) :-

दि.०१ जुलै २५ मंगळवार

तालुक्यातील सावखेडासिम जवळील निंबादेवी धरणात जळगाव येथील रामेश्वर कॉलनी भागातील आठ तरुण हे रविवारची सुट्टी असल्याने निंबादेवी धरणावर आले असता होते.दरम्यान यातील एक १८ वर्षीय तरुण हा पोहण्याच्या नादात खोल पाण्यात बुडून बेपत्ता झाल्याची घटना घडली होती.सदर घटना रविवारी सायंकाळी घडली व याबाबत तात्काळ पोलिसांना माहिती देण्यात आली. घटनास्थळी पोलिस दाखल झाले होते मात्र अंधार पडल्याने पोलीसांनी आपली शोध मोहिम थांबवली आली होती.

दरम्यान जळगाव येथुन दुपारी ३ वाजेला निघालेले सर्व तरूण साडेचार वाजेला धरणावर पोहचले व सांयकाळी पाच वाजेच्या सुमारास यातील काही तरूण धरणाच्या पाण्यात अंघोळी करीता उतरले मात्र यात जतीन अतुल वार्डे वय १८ रा.रामेश्वर कॉलनी जळगाव हा अचानक खोल पाण्यात गेला आणी बुडला त्याला वाचण्याचा प्रयत्न तरूणांनी केला मात्र कुणालाच पोहता येत नसल्याने खोल पाण्यात कोणी जावू शकले नाही.सदर बुडालेल्या तरुणाचा पोलिस निरिक्षक रंगनाथ धारबळे यांनी व त्यांचे सहकारी सहायक फौजदार विजय पाचपोळे,हवालदार अर्षद गवळी,मुकेश पाटील,अमित तडवी,संतोष पाटील या पथकास पाण्यात बुडून मरण पावलेल्या तरुणास शोधण्यात यश मिळाले.दरम्यान मारुळ व लोसनबर्डी वरील पट्टीचे पोहणाऱ्यांना अखेर तिसऱ्या दिवशी धरणात शोध घेण्यात येत आले व त्या तरूणाचे मृतदेह शोध मोहिमत मिळून आले.यावलच्या ग्रामीण रुग्णालयात डॉ प्रशांत जावळे यांच्याकडून मयत तरुणाच्या मृतदेहाचे शवविच्छेदन करण्यात येत आहे.