राजोरा येथे मोफत आरोग्य तपासणी शिबीर उत्साहात

यावल-पोलीस नायक(प्रतिनिधी):-

तालुक्यातील राजोरा येथील सामाजीक कार्यकर्ते व भाजपा युवा मोर्चाचे तालुका अध्यक्ष सागर कोळी यांच्या वाढदिवसानिमित्ताने जनसेवा हॉस्पीटल व भाजपा युवा मोर्चाच्या यांच्या संयुक्त विद्यमाने ग्रामस्थांसाठी मोफत आरोग्य शिबीराचे नुकतेच आयोजन करण्यात आले.भाजपा युवा मोर्चाचे तालुका अध्यक्ष सागर कोळी यांच्या वाढदिवसाचे औचित्य साधुन लोकहिताचे सामाजीक व विधायक उपक्रम म्हणुन यावल येथील डॉ कुंदन फेगडे यांच्या जनसेवा मल्टीस्पेशलीटी हॉस्पीटलच्या सौजन्यातुन गावातील नागरीकांच्या आरोग्याच्या दृष्टीकोनातुन मोफत आरोग्य तपासणी शिबीर आयोजीत करण्यात आले.

राजोरा येथील एल एम पाटील विद्यालयाच्या प्रांगणावर संपन्न झालेल्या या मोफत आरोग्य तपासणी शिबीरात १४५ नागरीकांच्या विविध आजारांच्या आरोग्याची मोफत तपासणी करण्यात आली.सदरील आरोग्य तपासणी शिबीर यशस्वीतेकरिता मधुकर नारखेडे,नागेन्द्र लोखंडे, प्रविण लोखंडे,सुर्वणा महाजन,कल्पेश पाटील,मयुर महाजन,रघुनाथ धनगर,सदाशिव कोळी,सुजित वानखेडे,सचिन पाटील,घनश्याम कोळी, सुनिल कोळी,बापु कोळी यांच्यासह ग्रामस्थांचे सहकार्य लाभले.यावेळी सागर कोळी यांनी सर्व उपस्थितांचे आभार मानले तसेच वाढदिवसानिमित्ताने रुग्णांची सेवा करण्याची संधी मिळाली परिणामी माझा हा वाढदिवस कायम स्मरणात राहील अशी भावना सागरभाऊ कोळी यांनी यावेळी बोलून दाखविली.वाढदिवसानिमित्ताने रुग्णांची सेवा करणे या उपक्रमाचे सर्वत्र कौतुक होत आहे.