लिव्ह इन पार्टनर प्रकरणातील सरस्वती वैद्य यांच्यावर सोमवारी होणार अंत्यसंस्कार

मुंबई-पोलीस नायक (वृत्तसेवा) ;-

सरस्वतीला आपले शिक्षण पूर्ण करायचे होते ती दहावीला दोन विषयांत अनुत्तीर्ण झाली होती त्यामुळे पुन्हा दहावीची परिक्षा देणार होती. मनोज साने तिला घरातच शिकवत होता.परिक्षा देण्यासाठी त्यांनी अहमदनगर येथील आश्रमातून दाखले देखील आणले होते अशी माहिती तपासात पुढे आली आहे.मीरा रोड येथे राहणाऱ्या सरस्वती वैद्य या तरुणीची तिच्या दुप्पट वयाच्या असलेल्या लिव्ह इन पार्टनर मनोज साने याने निर्घृण हत्या केल्याचे प्रकरण समोर आल्यामुळे संपूर्ण देशात खळबळ उडाली आहे.त्यामुळे या घटनेचा सखोल तपास पोलिसांकडून केला जात असल्याने अनेक गोष्टी समोर येऊ लागल्या आहेत.यात सरस्वती ही आश्रममध्ये असताना दहावीच्या परीक्षेत दोन विषयांत अनुत्तीर्ण झाली होती यामुळे तिने निराश होऊन त्यावेळी शिक्षण सोडून दिले होते मात्र मनोज साने यांच्यासोबत राहत असताना तिच्या मनात पुन्हा शिक्षण पूर्ण करण्याची इच्छा निर्माण झाली होती म्हणून २०१९ रोजी तिने आश्रममध्ये जाऊन आपले प्रमाणपत्र व इतर कागदपत्रे जमा केली होती.सरस्वतीला शिक्षण पूर्ण करण्यासाठी आपणच प्रवृत्त केला असल्याचा दावा मनोजने केला आहे यासाठी राहत्या खोलीत त्याने काळा फलक बसून घेतला होता व त्यावर विषयाची नावे लिहली असल्याचे पोलिसांनादेखील दिसून आले आहे मात्र आजपर्यंत सरस्वतीने दहावीची परीक्षा देण्यासाठी प्रवेश घेतल्याचा कोणताही पुरावा मिळू शकलेला नाही.शिवाय काळ्या फलकावर लिहिण्यात आलेल्या विषयांच्या नावात पोलिसांना संशय असल्यामुळे हत्येचे गूढ वाढत असल्याचे मत पोलिसांकडून व्यक्त केले जात आहे.