यावल चोपडा मार्गावर एसटी बस व मोटरसायकल अपघातात एक ठार तर तिन गंभीर जखमी

यावल-पोलीस नायक (प्रतिनिधी) ;-

येथील बुऱ्हाणपुर अंकलेश्र्वर महामार्गावर यावल शहरापासून अवघ्या दोन किलोमिटर लांब असलेल्या महाजन पॅट्रोल पंपाजवळ एसटी व मोटरसायकल यांच्यातील भिषण अपघातात एक जण जागीच ठार झाला असुन तिन जण गंभीर जखमी झाले असल्याची प्राथमिक माहिती समोर आली आहे.

याबाबत मिळालेली माहिती अशी की,आज दि.१२ जुन २३ सोमवार रोजी दुपारी ३ ते ३,३० वाजेच्या सुमारास बुऱ्हाणपुर अंकलेश्वर राज्य मार्गावरील यावल साकळी दरम्यान यावल शहरापासुन दोन किलोमिटर लांब असलेल्या महाजन पॅट्रोल पंपाजवळ यावल आगाराची बस क्रमांक एमएच १४ बिटी २१४४ यावलहुन चाळीसगावकडे जात असतांना समोरून येणाऱ्या मोटरसायकल एम पी ०९ क्युटी ३९३९ या वाहनांचा भिषण अपघात होवुन यात दयाराम बारेला वय २o वर्ष राहणार जामुनझीरा तालुका यावल हा आदिवासी मुलगा जागीच ठार झाला असून मांगीलाल कोशा बारेला वय २८ वर्ष,सुनिता मांगीलाल बारेला वय २५ वर्ष व चिंकी बारेला वय ३ वर्ष सर्व राहणार शिरवेल (मध्य प्रदेश) हे तिन जण गंभीर जखमी झाल्याचे वृत आहे.दरम्यान जखमींना यावलच्या ग्रामीण रुग्णालयात वैद्यकीय अधिकारी डॉ.शिवदास चव्हाण यांनी प्रथम उपचार करून त्यांची प्रकृती गंभीर असल्याने त्यांना तात्काळ जळगाव येथे जिल्हा सामान्य रग्णालयात पाठविण्यात आले आहे.