जयपूर-मुंबई पॅसेंजर एक्स्प्रेसमधील गोळीबार प्रकरणी लोहमार्ग पोलीस आयुक्त यांचा पत्रकारपरिषदेत खुलासा

रवींद्र शिसवे म्हणाले की,मीरा रोड स्टेशनजवळ रेल्वे थांबल्यानंतर चेतन सिंहने ट्रेनमधून उडी मारली आणि तिथून पळ काढण्याचा प्रयत्न केला परंतु मीरा रोड येथील जीआरपी आणि आरपीएफच्या पोलिसांनी धाडसाने चेतनला पकडले त्याच्याविरोधात गुन्हा दाखल करण्याची प्रक्रिया सुरू आहे तसेच त्याची चौकशी सुरू आहे यासह त्या ट्रेनमधील इतर आरपीएफ जवानांकडे चौकशी केली जात आहे व ज्या डब्यात गोळीबार झाला त्या डब्यामधील प्रवाशांकडेही आरपीएफकडून चौकशी केली जात आहे.चेतन सिंहने गोळीबार का केला? असा प्रश्न प्रसारमाध्यमांच्या प्रतिनिधिंनी उपस्थित केला त्यावर आयुक्त म्हणाले,आत्ता याप्रकरणी काहीच माहिती देता येणार नाही कारण गुन्हा दाखल करण्याची प्रक्रिया सुरू आहे तपास सुरू करण्यात आला आहे व हे प्रकरण अद्याप सुरुवातीच्या टप्प्यात आहे त्यामुळे आत्ता याबद्दल अधिक माहिती देता येणार नाही कारण ते क्रिमिनल जस्टिसच्या विरोधात आहे.याप्रकरणी तपास केला जाईल,चौकशी केली जाईल.दरम्यान वेगवेगळी वक्तव्ये समोर येतील ती एकत्र केली जातील त्यांची खातरजमा केली जाईल त्यानंतरच यासंबंधीची माहिती सर्वांसमोर मांडली जाईल.