गुळामध्ये कृत्रिम खाद्यरंगाचा वापर केल्याप्रकरणी उत्पादकांना प्रत्येकी पाच लाखांचा दंड

कोल्हापूर-पोलीस नायक(वृत्तसेवा):-गुळामध्ये कृत्रिम खाद्यरंग वापरण्यास परवानगी नसतानाही ते वापरणाऱ्या कोल्हापूरमधील एक आणि सांगली येथील एक अशा दोन गुळ उत्पादकांना अन्न आणि औषध प्रशासनाने (एफडीए) जोरदार दणका दिला.या प्रकरणी उत्पादकांना प्रत्येकी पाच-पाच लाखांचा दंड ठोठावण्यात आला आहे.ग्राहकांना आकर्षित करण्यासाठी तसेच जास्त नफा कमवण्यासाठी गुळ तयार करतेवेळी त्यामध्ये उत्पादक कृत्रिम रंगाचा वापर करत असल्याची माहिती एफडीएकडून देण्यात आली.गुळ तयार करताना काही व्यापारी गुळामध्ये साखर,चॉकलेटचा वापर करत असल्याचे एफडीएच्या अधिकाऱ्यांचे म्हणणे आहे.त्याचबरोबर कृत्रिम खाद्यरंगाचा वापरही केला जात आहेत.मुळात अन्नसुरक्षा आणि मानके कायद्यातील तरतुदीनुसार गुळामध्ये कृत्रिम रंगाच्या वापरास परवानगी नाही.तरी देखील उत्पादक नियमांची पायमल्ली करीत असल्याचे दिसून येत आहे.कृत्रिम रंगामुळे कमी प्रतीचा गुळ उच्च प्रतीचा भासतो.त्यामुळे नागरिक हा गुळ खरेदी करण्याकडे आकर्षित होतात.जास्त नफा कमविण्याच्या लालसेपोटी उत्पादक गुळामध्ये कृत्रिम खाद्यरंगाचा वापर करत असल्याची गंभीर बाब अन्न आणि औषध प्रशासनाने गुळाच्या नमुन्यांच्या केलेल्या तपासणीनंतर समोर आली आहे.