फैजपूर येथील सराफ फार्मसी कॉलेजला दिल्ली सेमिनार सोहळ्यात राष्ट्रीय पुरस्कार प्रदान

यावल-पोलीस नायक (प्रतिनिधी) :-

९ जुलै २४ मंगळवार

तालुक्यातील फैजपुर येथील कैलासवासी यशोदाबाई दगडू सराफ ट्रस्ट कॉलेज ऑफ फार्मसी या शैक्षणिक संस्थेस कन्व्हेन्शन सेंटर न्यू दिल्ली येथे राष्ट्रीय नशा मुक्ती दिनाचे औचित्त साधुन संस्थेच्या वतीने नशा मुक्ती संदर्भात केलेल्या उल्लेखनिय कार्याची दखल घेत सन २०२४ या वर्षाच्या राष्ट्रीय पुरस्काराने नुकतेच सन्मानित करण्यात आले.

कैलासवासी यशोदाबाई दगडू सराफ ट्रस्ट कॉलेज ऑफ फार्मसीचे संस्थापक अध्यक्ष पांडुरंग दगडू सराफ यांनाही यावेळी भारत मुक्ती सेमिनार एन डी एम सी कन्वेंशन सेंटर न्यू दिल्ली यांच्यातर्फे डॉ.संदीप मानिक थांबर व जुही सबरवाल या मान्यवरांच्या प्रमुख उपस्थित पुरस्कार देऊन सन्मानित करण्यात आले.कैलासवासी यशोदाबाई दगडू सराफ तसेच या ट्रस्टचे संस्थापक अध्यक्ष तथा शैक्षणीक व सामाजीक कार्यात अग्रेसर असलेले समाजसेवक पांडुरंग दगडू सराफ यांच्या उत्कृष्ठ कार्याची दखल घेत दिल्लीच्या संस्थेच्या वतीने मानाचा पुरस्कार मिळाल्याबद्दल त्यांचे सर्व स्तरावरून अभिनंदन करण्यात येत आहे.