यावल-पोलीस नायक (प्रतिनिधी) :-
दि.११ ऑगस्ट २५ सोमवार
तालुक्यातील माथन येथील जिल्हा परिषद प्राथमिक शाळेत जागतिक आदिवासी दिन मोठ्या उत्साहात साजरा करण्यात आला.कार्यक्रमाच्या सुरुवातीला आदिवासी कुलदैवत देवमोगरा माता, आदिवासी जननायक धरतीआबा बिरसा मुंडा व तंट्या भील आणि इतर क्रांतिकारकांच्या प्रतिमांचे पूजन उपस्थित मान्यवरांच्या हस्ते करण्यात आले.
दरम्यान प्राथमिक शिक्षक अजय पाडवी यांनी आदिवासी संस्कृती,बोलीभाषा आणि परंपरेविषयी मार्गदर्शन केले तर मुखिराम बारेला व नानू बारेला यांनी विद्यार्थ्यांना आदिवासी संस्कृती व शिक्षणाचे महत्त्व पटवून सांगितले.यानंतर विद्यार्थी आणि गावकरी दोघांनीही उत्साहाने पारंपरिक आदिवासी सांस्कृतिक नृत्य सादर करीत ठेका धरत कार्यक्रमाचा आनंद लुटला.कार्यक्रम यशस्वीतेसाठी मुख्याध्यापक हिम्मतराव पाटील यांचे मार्गदर्शन मार्गदर्शनाखाली रमेश पावरा,सुरेश पावरा,प्रेमलाल बारेला,दूरसिंग पावरा,सतीश पावरा आणि समस्त गावकऱ्यांचे मोलाचे सहकार्य लाभले.
