यावल जे टी महाजन इंग्लीश स्कूलमध्ये बैलपोळा सण उत्साहात साजरा !!

यावल-पोलीस नायक (प्रतिनिधी) :-

दि.२२ ऑगस्ट २५ शुक्रवार

येथील व्यास शिक्षण मंडळ संचलित जे.टी.महाजन इंग्लिश स्कूलच्या वतीने पारंपारिक बैलपोळा सण उत्साहाच्या वातावरणात साजरा करण्यात आला.स्कुलच्या आवारात साजरा करण्यात आलेल्या बैलपोळा या कार्यक्रमाची सुरूवात शाळेच्या प्राचार्या रंजना महाजन यांच्या हस्ते बैल पुजा करून करण्यात आली तसेच इंग्लिश माध्यमाच्या प्राचार्या श्रीमती दिपाली धांडे यांच्यासह या कार्यक्रमाला पर्यवेक्षिका श्रीमती राजश्री लोखंडे व सौ गौरी भिरुड यांनी देखील कार्यक्रमात उपस्थिती दिली.

दरम्यान कार्यक्रमाच्या प्रमुख रंजना महाजन यांनी मातीच्या बैलांचे व बैलजोडीचे पूजन करून बैलांना पुरणपोळीचा नैवेद्य दिला.शाळेच्या शिक्षिका लक्ष्मी कवडीवाले यांनी बैलपोळा या सणाबद्दल माहिती सांगितली तसेच इयत्ता सहावीच्या विद्यार्थ्यांनी बैलावर लिहिलेली कविता गायली.प्राचार्य श्रीमती दिपाली धांडे यांनी देखील बैल हा शेतकऱ्याचा खरा मित्र आहे याची माहिती विद्यार्थ्यांना दिली.सदर कार्यक्रमाचे सूत्रसंचालन शिक्षिका श्रद्धा बडगुजर यांनी केले तर आभार प्रदर्शन वर्षा चौधरी यांनी केले.प्रसंगी शिक्षक व शिक्षेतर कर्मचाऱ्यांचे मोलाचे सहकार्य लाभून कार्यक्रम यशस्वीरित्या व उत्साहात पार पडला.