शिंदे गटाच्या आमदारांना पुन्हा ठाकरे गटात घेणार ? नीलम गोऱ्हे यांचे सूचक वक्तव्य

मुंबई-पोलीस नायक (वृत्तसेवा):-

गेल्या काही दिवसांपासून महाराष्ट्राच्या राजकारणात उलथापालथ सुरू असून एकनाथ शिंदे यांच्या बंडखोरीनंतर अजित पवारांच्या बंडखोरीच्या चर्चेने महाराष्ट्रातील राजकारण तापले असून शिंदे गटातील आमदार पुन्हा ठाकरे गटात येऊ इच्छित आहेत अशा चर्चा राजकीय वर्तुळात सुरू झाल्या आहेत त्यामुळे शिंदे गटातील आमदारांना पुन्हा ठाकरे गटात घेणार आहात का ? यासाठी कोणते निकष असतील ? यावर ठाकरे गटाच्या नेत्या नीलम गोऱ्हे यांनी सूचक प्रतिक्रिया दिली आहे.शिंदे गटातील आमदारांना पुन्हा ठाकरे गटात घेतले जाऊ शकते का? असा प्रश्न विचारला असता नीलम गोऱ्हे म्हणाल्या की,आताची राजकारणातील परिस्थिती पाहिली तर प्रचंड कटुता व मतभेद आहेत. कुठल्याही परिस्थितीत एकमेकांना सांभाळून घ्यायचे नाही हीच भूमिका सगळ्यांची दिसत आहे त्यामुळे भविष्यात काय घडणार आहे ? किंवा काय परिस्थिती असेल ? याबाबत काहीही सांगता येणार नाही.यापूर्वी राजकारणात अनेकांना अनाकलनीय व अविश्वसनीय वाटतील अशा घटना घडलेल्या आहेत त्यामुळे काही गोष्टींची उत्तरे नियती किंवा देवच देऊ शकतो त्यामुळे शिंदे गटातील आमदारांना परत घ्यायचे की नाही? याबाबत उद्धव ठाकरेंशी कधीही चर्चा झाली नाही असेही नीलम गोऱ्हे यांनी स्पष्ट केले आहे.‘त्या एबीपी माझा’शी बोलत होत्या.