कोरपावली येथे १७ जानेवारी रोजी हजरत पिर गैबनशाहबाबा उर्स निमित्ताने कव्वाली कार्यक्रम

यावल-पोलीस नायक (प्रतिनिधी) :-

दि.२ जानेवारी २३ मंगळवार

तालुक्यातील कोरपावली येथील राष्ट्रीय एकात्मतेचे प्रतिक व पंचक्रोशीतील प्रसिद्ध व असंख्य हिंदु-मुस्लीम भाविकांचे श्रद्धास्थान असलेल्या हजरत पीर गैबनशाहबाबा उर्स साजरा करण्यात येणार असून यानिमित्ताने दि.१७ जानेवारी बुधवार रोजी कव्वाली कार्यक्रमाचे आयोजन करण्यात आले आहे.

तालुक्यातील कोरपावली या गावातील गजबजलेल्या मुख्य चौकात प्रसिद्ध असलेल्या हजरत हजरत पीर गैबंशाह बाबा यांच्या दर्गावरील उर्स पारंपारिक पद्धतीने मोठया उत्साहाच्या वातावरणात साजरा करण्यात येणार आहे.यानिमित्ताने दि.१६ जानेवारी २४ मंगळवार रोजी संदल कार्यक्रम तर दि.१७ जानेवारी २४ बुधवार रोजी दिल्लीचे ‘अजमेर चलो ए दिवाने ‘ प्रसिद्ध कव्वाल अक्रम अस्लम साबरी व औरंगाबादच्या प्रसिद्ध फनकारा परवीन तब्स्सून यांच्यात गायनाच्या कार्यक्रमाची जुगलबंदी कव्वाली कार्यक्रम आयोजीत करण्यात आला आहे.सदर कार्यक्रमास तालुक्यातील राजकीय क्षेत्रातील सर्वपक्षीय मान्यवर उपस्थित राहणार आहेत.तरी पंचक्रोशितील सर्व धर्मिय भाविकांनी श्रद्धास्थान असलेल्या हजरत गैबनशाह बाबा यांच्या दर्गावरील दर्शन संदल व कव्वालीच्या कार्यक्रमात उपस्थित राहून लाभ घ्यावा असे आवाहन येथिल हिन्दु-मुस्लीम पंच कमेटीच्या वतीने करण्यात आले आहे.