“अजब प्रेमाची गजब कहाणी”,मुसाला १० पत्नी, ९८ मुले आणि ५६८ नातलग व ७०० हुन अधिक सदस्य

दक्षिण आफ्रिका-पोलीस नायक(वृत्तसेवा):- घे भरारी……. जग भरारी विशेष …… 

“दोन बायका अन फजीती ऐका”या सिनेमाबाबत तुम्ही ऐकले असेल पण हा तर सिनेमा नाही नुसता ट्रेलरच वाटतोय कारण ‘पिक्चर अभी बाकी है मेरे दोस्त’….हे वाचून तुम्हाला आर्श्चयाचा धक्का नक्कीच बसला असेल.आफ्रिकेतील युगांडात राहणाऱ्या मुसा हसादजीने हद्दच पार केलीय.मुसाच्या कुटुंबात एक,दोन नाही तर तब्बल ७०० हून अधिक सदस्य आहेत.होय हे शंभर टक्के खरे आहे कारण या मुसाला १० पत्नी, ९८ मुले आणि ५६८ नातलग आहेत.जगातील सर्वात मोठे कुटुंब मुसाच्या घरी असल्याचे बोलले जात आहे.एका आंतरराष्ट्रीय प्रसार माध्यमाने मुसाच्या कुटुंबाची मुलाखत घेतलीय.६७ वर्षीय मुसा आफ्रिकेच्या युगांडातील बुटालेजा जिल्ह्यातील रहिवासी आहे.

एक मुलाखती दरम्यान मुसाने त्याच्या कुटुंबियांबद्दल माहिती दिली.तो म्हणाला,“माझ्या दहा पत्नी आहेत.आम्ही सर्व एकाच घरात राहतो. आम्हाला ९८ मुले आहेत.आमच्या कुटुंबात ५६८ नातलग आहेत.मला देवाच्या कृपेने मोठे कुटुंब मिळाले आहे.मी युगांडात एकमेव आहे, ज्याच्या दहा पत्नी आहेत.”मुसाला त्याच्या सर्व मुलांची नावाबाबत विचारले असता तो म्हणाला,मला सर्वांची नावे आठवत नाहीत.मुसा पुढे म्हणाला,मी सतरा वर्षांचा असताना पहिला मुलगा जन्माला आला.माझी मुले लग्नबंधनातही अडकली आहेत.काही मुले शिक्षण घेत आहेत. माझ्या मुलांसाठी मी घराजवळ झोपडपट्टी बांधली आहे.हनीफा हसादजी ही माझी मोठी पत्नी आहे.काकाजी ही सर्वात लहान पत्नी आहे.मला आता नवीन लग्न करायचे नाही.

मुसाची सर्वात लहान पत्नी काकाजीने सांगितले की,जर माझ्या पतीने पुन्हा लग्न केले तर माझी काही हरकत नाही कारण तो आमच्या सर्वांची काळजी घेतो.आम्ही सर्व एकाच घरात राहतो.युंगांडाच्या विविध ठिकाणी आमच्या सर्वांच माहेर आहे.मुसाने जेव्हा पहिले लग्न केले त्यावेळी त्याने पत्नीला हुंडा म्हणून तीन गाय आणि चार बकरी दिल्या होत्या दुसऱ्या पत्नीलाही अशाच प्रकारे हुंडा दिला.दोन लग्न झाल्यानंतर बकरींची संख्या कमी होत आहे याबाबत मुसाला अंदाज आला त्यानंतर त्याने पुढील लग्नात हुंडा म्हणून दोन गाय द्यायला सुरुवात केली.“ज्या कुटुंबात माझा जन्म झाला होता त्या कुटुंबात फक्त दोनच सदस्य होते.कुटुंबाचे आर्थिक उत्पन्न कमी होते याच कारणामुळे शाळा मध्येच सोडावी लागली.पहिल्या लग्नानंतर मी बाजरा विक्रीच्या व्यवसायाला सुरुवात केली.मला या व्यवसायात खूप यश मिळाले.मी गाय खरेदी केल्या.बकरी खरेदी करुन गोट फार्मचा व्यवसायही सुरु केला.झिरोपासून मी सुरुवात केली आणि आता माझ्या मेहनंतीचे फळ मिळताना दिसत आहे.”