“हिंदू धर्म धोक्यात आहे”ची भीती दाखवून २०२४ च्या निवडणुकांची तयारी…या षडयंत्रापासून लांब राहा,तुम्हाला छत्रपती शिवरायांची शपथ”-आमदार यशोमती ठाकूर यांचे भावनिक आवाहन

मुंबई-पोलीस नायक (वृत्तसेवा) :-

राज्यात अलिकडच्या काळात लहान-मोठ्या दंगली घडत असून गेल्या महिन्यात छत्रपती संभाजी नगरमध्ये व अकोल्यात दंगली घडल्या. त्यापाठोपाठ या महिन्यात दोन दिवसांपूर्वी अहमदनगरमध्ये एका उरूसाच्या मिरवणुकीत काही तरुणांनी मुघल बादशाह औरंगजेबाचे पोस्टर्स हातात घेऊन नाच केला तसेच घोषणाबाजी देखील केली.त्यानंतर कोल्हापुरातही असाच काहिसा प्रकार घडला.काही तरुणांनी औरंगजेबाचे फोटो सोशल मीडिया अकाऊंटच्या स्टेटसवर ठेवले तसेच औरंगजेबाचे उदात्तीकरण करणारा मजकूरही शेअर केल्याने या लोकांवर कारवाई करावी अशी मागणी हिंदुत्त्ववादी संघटनांनी केली या मागणीसाठी बुधवारी कोल्हापूर बंदची हाक दिली.कोल्हापुरात हिंदुत्त्ववादी संघटनांनी ठिय्या आंदोलनही केले परंतु काही ठिकाणी आंदोलन हिंसक झाल्याने पोलिसांनी आंदोलकांवर लाठीचार्ज केला या सर्व घटनांवरून राज्यातले सत्ताधारी आणि विरोधक एकमेकांवर टीका करत आहेत.भारतीय जनता पार्टीच्या महिला मोर्चाच्या अध्यक्षा चित्रा वाघ यांनी या दोन्ही घटनांवरून महाविकास आघाडीकडे बोट दाखवले असून चित्रा वाघ यांनी एक ट्वीट करून म्हटले आहे की राज्यात अचानक औरंग्याच्या औलादी वाढू लागल्या आहेत त्यांना जन्माला घालणाऱ्यांचा म्हणजेच महाविकास आघाडीचा आणि औरंगजेबाचा डीएनए एकच असावा अन्यथा काही तरूणांनी औरंगजेबाचे स्टेटस ठेवल्याप्रकरणी राज्यातील सर्व परिस्थिती संवेदनशील असताना महाविकास आघाडीच्या वाचाळवीरांकडून दंगे भडकवण्याचे काम झाले नसते असे चित्र वाघ यांनी म्हटले आहे.