“वाघाचे कातडे पांघरून हे लांडगे जनतेची फसवणूक करत आहेत” अंबादास दानवेंचा हल्लाबोल

अंबादास दानवे ट्वीटमध्ये म्हणाले की,“द गद्दार फाईल्स” लोकशाही मार्गाने आलेले सरकार कसे लबाडी करून मोदी-शाहांच्या भाजपाने पाडले हे त्यांच्याच गोटातील मंत्र्याने ओकले आहे.वाघाचे कातडे पांघरून हे लांडगे जनतेची फसवणूक करत आहेत योग्य वेळी जनताच हे कातडे फाडून काढेल आणि त्यांना उघडे करेल.काय म्हणावे या सत्ता असुरांना तुम्हीच सांगा? असा प्रश्न दानवे यांनी जनतेला केला आहे.रवींद्र चव्हाण यांनी’लोकमत’ला दिलेल्या मुलाखतीनुसार सुरतला गेल्यानंतर बंडखोर आमदारांचे फोन काढून घेण्यात आले होते.बंडखोर आमदारांची कार कोण चालवतेय हेही संबंधित आमदारांना माहीत नव्हते.आमदारांना टीव्हीही पाहू दिला नाही.गुवाहाटीला गेल्यानंतर आमदारांना टीव्ही बघण्याची परवानगी देण्यात आली.या ऑपरेशनमध्ये छोटी चूक झाली असती तरी हे ऑपरेशन सपशेल अपयशी ठरले असते.बंडखोरीच्या वाटाघाटींची कल्पना एकनाथ शिंदे यांच्या मुलाला देण्यात आली नव्हती.भाजपाच्या वरिष्ठ नेत्याने त्या पद्धतीने गोपनीयतेचा आदेश दिला होता असे रवींद्र चव्हाण यांनी म्हटले आहे.